(Sie tragen Schirmkappen und dunkle Brillen. Der Erste blättert in der Kulturzeitschrift "Die Brücke", der Zweite in der Kärntner Krone.)
DER ZWEITE: Wos sogst'n, ha, Soagnogl?
DER ERSTE: Sagnagl.
DER ZWEITE: Wos Sagnagl?
DER ERSTE: Sagnagl haßt se, Stefanie Sagnagl. Nit Soagnogl. Haßt jo aa Ingeborg Bachmann, nit Bochmonn.
DER ZWEITE: Von mia aus. Oba wos sogst Marokkotogebuach? Schas, oda?
DER ERSTE: Eh.
(Pause)
DER ZWEITE: Manst du, doss di ane echt hot gschmust mit'n Muezzin?
DER ERSTE: Konn sein.
DER ZWEITE: Und doss hot getrunkn sechzehn Floschn Wein?
DER ERSTE: Wonn is guat drauf, warum nit?
(Pause)
DER ZWEITE: Und wos sogst Krone? Oaschlecha, oda?
DER ERSTE: Eh. Zehn Trilliadn Presseferdarung, oba aufregn wegn siebenhundatfuchzg Eiro.
DER ZWEITE: Eh glei dahin siebenhundatfuchzg Eiro bei sechzehn Floschn Wein.
DER ERSTE: Eh.
DER ZWEITE: Und Soagnogl kriag Moaddrohungen wegn so wos.
DER ERSTE: Sagnagl.
DER ZWEITE: Zum Kotzn, oda?
DER ERSTE: Zum Babykotzntretn.
(Vorhang)
(Antonio Fian,18.3.2017)