(Das Strandbad in Klagenfurt an einem Februarabend 2018, menschenleer bis auf, am Ende des Steges, zwei ehemalige Beachvolleyball-Nachwuchsspieler in schwarzen Stiefeln, schwarzen Hosen und schwarzen Anoraks mit der Aufschrift "Security". Sie werfen Kieselsteine ins Wasser und starren vor sich hin.
Lange Pause.)
DER ERSTE: Wosn los? Redst nix?
DER ZWEITE (zuckt mit den Schultern)
DER ERSTE: Jesaja kronk?
DER ZWEITE (schüttelt den Kopf)
DER ERSTE: Burgi?
DER ZWEITE: Naa ... Jo.
DER ERSTE: Wieda obg'haut?
DER ZWEITE: Naa, oba ... (Wendet sich ihm zu.) I getramt gestan von da Burgi, vastehst? Tram sunst nia von ihr, oba gestan ... I im Bett mit da Burgi, vastehst, olles super, und –
DER ERSTE: Wos, im Tram?
DER ZWEITE: Im Tram, jo.
DER ERSTE (höhnisch): Ah, losst sie sunst nit, doss muasst tramen?
DER ZWEITE (ärgerlich): Sicher losst. Trotzdem getramt. Olles super, vastehst, oba auf amol geht die Tia auf und die Burgi kummt eina und -
DER ERSTE: Wos, in echt?
DER ZWEITE: Im Tram.
DER ERSTE: I gedocht, im Tram is im Bett mit dir?
DER ZWEITE: Dos is es jo! Trotzdem kummt gleichzeitig bei da Tia eina mitn Jesaja und schreit: "Hob i di dawischt mit deina Schlompn, du Drecksau!" Vuan Jesaja, vastehst?
DER ERSTE: Und Burgi? Die im Bett, man i?
DER ZWEITE: G'locht.
(Pause)
DER ERSTE: Und dos regt di auf?
DER ZWEITE (nickt)
DER ERSTE: Braucht nit. Gonz normal. Wunschtraum. Mutta und Hure. Wunschtraum von an jedn Monn.
DER ZWEITE: Wunschtraum?
DER ERSTE: Sicher. Konnst ibaroll nochlesn. Wosn du gedocht?
DER ZWEITE: Olp.
(Vorhang)